MediaNet qazaqstandyq jýrnalıstıkaǵa júrgizilgen zertteý nátıjelerin jarııalady
ALMATY. Qazannyń 29-y. QazAqparat /Erlik Erjanuly/ - Búgin Almatyda «Qazaqstan mass-medıasy: negizgi oıynshylar: múmkindikter, qajettilikter jáne qaýip-qaterler» dep atalatyn zertteý jumysy nátıjeleriniń qorytyndysy jarııalandy.
Ony Soros-Qazaqstan qorynyń qoldaýymen MediaNet halyqaralyq jýrnalıstıka ortalyǵy júrgizgen bolatyn, dep habarlaıdy QazAqparat.
«Elimizdiń 10 aımaǵyn qamtyǵan bul zertteý qańtar-qarasha aılarynyń arasynda júrgizildi. Oǵan 350-den astam jýrnalıst, redaktor, BAQ-tyń menshik ıeleri, memlekettik organdar, úkimettik emes uıymdar, jýrnalıster daıyndaıtyn memlekettik jáne jekemenshik oqý oryndarynyń ókilderi qatysty. Onyń 70 paıyzy aımaqtyq jáne respýblıkalyq BAQ jýrnalısteri, 20 paıyzy redaktorlar men menshik ıeleri, 10 paıyzy joǵary oqý oryndary men medıalyq ÚEU-lardyń ókilderi. Zertteýge qatysýshylardyń basym bóligi BAQ-da aıtarlyqtaı damý joq dese, keıbiri quldyrap 2000 jyldardyń basyndaǵy jaǵdaımen salystyrǵanda keri ketý bar dep sanaıdy», deıdi MediaNet halyqaralyq jýrnalıstıka ortalyǵynyń joba menedjeri Dinmuhamed Zııadın. Onyń aıtýynsha, saýalnamaǵa qatysýshylardyń kóbi BAQ quraldarynyń qoǵamǵa, jalpy kópshilikke yqpaly júrgenimen, bılikke, sheneýnikterge onsha yqpaly júre qoımaıdy degen oıda. Joba avtorlary zertteý nátıjesi boıynsha memlekettik organdar men ÚEU-larǵa óz usynymdaryn ázirlegen.
