Medıanaryqtaǵy ónimderdiń qazaqstandyq segmenti ulǵaıa túsedi
ASTANA. 1 shilde. QazAqparat - Almatydaǵy Innovatsııalyq tehnologııalar parkine qatysýshy - «Kazakhstan Computer Graphics» kompanııasy medıanaryqtaǵy qazaqstandyq segmentti ulǵaıtýǵa qoldaý bolatyn ınnovatsııalyq tehnologııany qolǵa alyp otyr,
dep habarlady pm.kz saıty.
«Memlekettiń qoldaýynyń jáne Innovatsııalyq tehnologııalar parkiniń kómeginiń arqasynda, biz, basqa da kóptegen novatorlar sııaqty, óz jobamyzdy júzege asyra aldyq. Innovatsııalyq damýǵa memleket tarapynan kórsetilip otyrǵan sharalar jaqyn arada sapaly ónimder túrinde óz jemisin beredi jáne álemdik naryqqa shyǵýǵa jaǵdaı jasaıdy degen senimdemiz»,- deıdi «KCG» JShS-niń teń quryltaıshysy Ernar Qurmashev.
«KCG» kompanııasy kınoındýstrııa úshin kompıýterlik grafıka men vızýaldyq effekt amaldaryn jasaıdy. Kompanııa Innovatsııalyq tehnologııalar parkimen yntymaqtasa otyryp, stýdııany Vicon Motion Systems sandyq 3D-jabdyǵymen jaraqtady.
Bul tehnıka naqty ýaqyt rejıminde keıipkerler men nysandardyń 3D-anımatsııasyn jasaýda qoldanylady jáne kıno men anımatsııa óndirisiniń álemdik tájirıbesinde keń taraǵan.
«Vicon Motion Systems tehnologııasy Ortalyq Azııada joq, mundaı tehnologııa tek Máskeýde bar. Osy faktor álemdik kınostýdııalar úshin osynaý ınnovatsııalyq tehnologııanyń kómegimen jasalǵan ónimderdiń tartymdylyǵyn arttyrady jáne Qazaqstanda tapsyrystar ornalastyrýǵa qoldaý bolady»,- deıdi joba jetekshisi Ernar Qurmashev.
Sapaly 3D-ónimin shyǵarý múmkindigimen qosa, bul joba medıa-naryqtaǵy qazaqstandyq segmentti ulǵaıtady, onyń syrtqy naryqqa shyǵýyna múmkindik beredi.
Aıta ketý kerek, «KCG» kompanııasy «Balalyq shaǵymnyń aspany», «Stalınge syılyq», «A»-ǵa oralý» sııaqty tanymal qazaqstandyq úsh fılmniń óndirisine atsalysty.
