Medıatsııada aqsaqaldar keńesiniń áleýeti paıdalanylýy tıis - dóńgelek ústel
ASTANA. 31 naýryz. QazAqparat /Jasulan Amanbaıuly/ - Búgin Astanada QR Ádilet mınıstrligi jáne QR Zań shyǵarý ınstıtýynyń uıymdastyrýymen eldiń sot júıesindegi medıatsııa ınstıtýtynyń tájirıbesin qalyptastyrý taqyrybynda dóńgelek ústel otyrysy ótti.
Memleket basshysy daýlardy sheshýdiń qosymsha ádisi retinde elimizde medıatsııa ınstıtýtyn engizýge baǵyttalǵan «Medıatsııa týraly» Qazaqstan Respýblıkasynyń Zańyna qol qoıǵany belgili. Alaıda qatysýshylardyń aıtýynsha, ony qoldanýdyń tájirıbesi Qazaqstanda áli qalyptasyp úlgergen joq. Tipti, medıatsııalyq qyzmet kórsetetin uıymdar men medıatorlardyń qaı organda akkredıtatsııalanatyny jóninde másele sheshilmegen. Bastapqyda bul rásimder QR Ádilet mınıstrliginde ótkiziletini týraly aıtyldy.
«Atalmysh júıeniń ornyn Qazaqstanda buryn aqsaqaldar keńesi, bıler ınstıtýty atqaryp kelgen. ıAǵnı, onyń tarıhı alǵysharttary bar. Búgingi tájirıbede de aqsaqaldar keńesteri daý-damaı taraptaryn bir mámilege keltire alatyn áleýetke ıe. Mundaı medıatsııa búginde sot protsesinde bolyp jatqan kóptegen máselelerdiń ońtaıly sheshimin tabýyna, sot júıesindegi isterdiń qysqarýyna, ekonomıkalyq shyǵyndardyń azaıýyna septigin tıgizedi. Sol sebepti onyń bolashaǵynan kútiletin úmit zor»,-deıdi QR Parlamenti Májilisiniń depýtaty Olga Kıkolenko.
Sondyqtan, depýtattyń oıynsha, ákimdikter ózderine tıesili aýdandarda bul baǵyt boıynsha tyńǵylyqty jumys jasap, aqsaqaldardy medıatsııalyq qyzmetke tartýdyń joldaryn izdestirýi tıis.
«Eger memlekettik medıatordy aıtatyn bolsaq, sózsiz olar memlekettik quqyq negizderin bilýleri mindetti. Al eger jergilikti eldi mekende abyroıly, ishki adamgershiligi mol, adal qasıetti aqsaqal jaıy bolsa, ony medıator dep ataýǵa tolyq qısyn bar. Máselen, aýyldyń kónekóz qartynyń eki kórshini tatýlastyrýǵa, ádil toqtamǵa shaqyryp, mámile jasaýǵa yqpal jasaý áreketteri zańmen tyıym salynbaıdy»,-dep atap kórsetti O. Kıkolenko.
Esterińizge sala keteıik, medıatsııa ınstıtýty azamattardyń kelispeýshilikterin bitimgershiliktiń negizinde beıbit jolmen sheshýge baǵyttalǵan sot júıesiniń balama tásili. Medıatsııa azamattyq-quqyqtyq qatynastarda, onyń ishinde kásipkerlik jáne basqa da ekonomıkalyq is-qımyl barysynda, sondaı-aq eńbek, otbasylyq jáne basqa da quqyqtyq qatynastarda paıda bolǵan daýlardy retteýdegi quqyqtar boıynsha, qylmystyq-quqyqtyq qatynastar salasynda - jeńil jáne ortasha qylmys týraly ister boıynsha qoldanylady.
