Medıatsııa týraly zańnyń qabyldanǵanyna 2 jyldyń júzi bolǵanmen qoǵam músheleriniń odan maǵlumaty áli az
ALMATY. 1 aqpan. QazAqparat - Sot medıatsııasy týraly pılottyq joba óz nátıjesin bere bastady. Bul týraly Halyqaralyq quqyq qorǵaý ortalyǵynyń basshysy Jandildá Jaqypov búgin Almatyda ótip jatqan «Sot medıatsııasy - Qazaqstanda medıatsııa ınstıtýtyn damytýdyń qajetti sharty» dep atalatyn dóńgelek ústel jıynynda aıtty.
«Eki jylǵa jýyq ýaqyt buryn Qazaqstanda «Medıatsııa týraly» Zań óz kúshine engen bolatyn. Alaıda mamandardyń kópten kútken bul zańy qoǵamnan keń qoldaý taýyp ketken joq. Oǵan aqparattyq-nasıhat jumysynyń kemshil túsýi túrtki boldy», - deıdi J.Jaqypov. Onyń aıtýynsha, álemniń birqatar elderi aldymen pılottyq jobany júzege asyryp, onyń nátıjesinen keıin ǵana zańdy qabyldady. Al Qazaqstanda medıatsııa týraly zań qabyldanǵan soń ǵana BUU Damý baǵdarlamasynyń bastamasymen jáne QR Joǵarǵy sotynyń qoldaýymen «Sot medıatsııasy» pılottyq jobasyn júzege asyra bastady. 3 aılyq bul joba naýryz aıynda aıaqtalady. Qazirgi tańda ony júzege asyrýshy Halyqaralyq quqyq qorǵaý ortalyǵy Áýezov aýdandyq sotynyń ǵımaratynan berilgen kabınette, onda daýlasyp kelgen adamdarǵa tegin medıatsııa ótkizýde Bul model buǵan deıin Slovenııa men Belarýs elderinde jáne osyǵan uqsas bir joba Reseıde júzege asyrylǵan bolatyn.
