«Medıatsııa» ortalyǵy men «Áleýmettik áriptestik ortalyǵy» qory arasyndaǵy yntymaqtastyq týraly memorandýmǵa qol qoıyldy
Shara barysynda «Medıatsııa» Medıatsııa jáne bitimgershiliktiń biryńǵaı ortalyǵy» qoǵamdyq birlestigi men «Samuryq-Qazyna» UÁQ» AQ janyndaǵy «Áleýmettik áriptestik ortalyǵy» qory arasyndaǵy yntymaqtastyq týraly memorandýmǵa qol qoıyldy.
Atalǵan sharanyń maqsaty medıatsııa týraly zańdy qoldaný barysynda týyndaıtyn problemalardy talqylaý ári medıatsııa týraly zańnamany jetildirý boıynsha usynystardy ázirleý bolyp tabylady.
Dóńgelek ústel otyrysyn uıymdastyrýshylardyń aıtýynsha, medıatorlar uıymdarynyń málimetterine sáıkes búgingi tańǵa deıin shamamen 380 medıatsııa amaldary júrgizilgen. Olardyń basym bóligi azamattyq daý-damaıǵa qatysty bolsa, tek 6-aýy ǵana qylmystyq ispen baılanysty boldy. Barlyq medıatsııanyń 85 paıyzdan astamynda bitimgershilik týraly kelisimge qol jetkizildi.
Degenmen qazirgi qoldanystaǵy zańnamanyń medıatorlardy oqytý bóliginde jetildirý jumystaryn júrgizý qajet. Óıtkeni olarǵa bilim berýmen aınalysatyn bilikti mamandar tym az. Medıatorlardyń daıyndyq sapasy baqylanbaıdy. Al bul olar kórsetetin qyzmet sapasyna teris yqpal etedi.
