«Medıatsııa» ortalyǵy Memleket basshysy ókilettigin uzartýdy jáne «Nur Otan» HDP bastamasyn qoldaıtyndyqtaryn jarııa etti

ALMATY. 14 qańtar. QazAqparat /Erbol Azanbek/ - «Nur Otan» HDP -nyń Elbasy ókilettiligin uzartý baǵytynda demokratııalyq kúshterdiń «Qazaqstan-2020» jalpyulttyq koalıtsııasyn qurý bastamasyn qoldaıtyn qoǵamdyq uıymdar sany artýda.

Búgin Almatyda «Medıatsııa» birikken medıatsııa jáne bitimgerlik ortalyǵy Elbasy ókilettigin uzartýdy jáne «Nur Otan» HDP bastamasyn qoldaıtyndyqtaryn jarııalady.

«Elbasynyń Qazaqstandy damytý jolyndaǵy eńbegi eren. Mysaly óz salamyz boıynsha aıtsaq, 2009 jyly daýlardy sotqa deıin sheshýdiń Elbasy Qazaqstanda medıatatsııa jáne bitimgerlik túrlerin engizýdi usyndy. Nátıjesinde 2 kún buryn Medıatsııa týraly zańdy Parlament qabyldap, Prezıdenttiń qol qoıýyna jiberdi. Qazaqstan bunymen TMD elderi ishindegi bul zańdy qabyldaýǵa yqylas tanytqan úshinshi el. Bul bizdiń Elbasynyń Qazaqstanda demokratııanyń damýyna yqylasy joǵary ekendiginiń kórinisi. Sondyqtan biz «Nur Otan» HDP -nyń Elbasy ókilettigin uzartý baǵytynda demokratııalyq kúshterdiń «Qazaqstan-2020» jalpyulttyq koalıtsııasyna qosylýdy, Elbasy ókilettigin uzartýdy qoldaıtynymyzdy málimdeımiz. Nursultan Nazarbaev Qazaqstannyń damýynyń, turaqtylyǵy men órkendeýiniń negizi dep eseptemiz»,- dedi Qazaqstannyń tutynýshylar lıgasynyń prezıdenti Svetlana Romanovskaıa.