Medıatsııa máselesin eki aradaǵy qarym-qatynasty retteýshi adam retinde qarastyrý kerek - E.Toǵjanov
Bul pikirdi búgin elordada ótip jatqan «Kópulysty qoǵamdaǵy medıatsııa: teorııasy men tájirıbesi» atty halyqaralyq ǵylymı semınar-praktıkým barysynda Qazaqstan halqy Assambleıasy Tóraǵasynyń orynbasary - QHA hatshylyǵynyń meńgerýshisi Eraly Toǵjanov bildirdi.
Jaqynda ǵana qabyldanǵan medıatsııaǵa baılanysty Qazaqstan zańynyń búginde búkil qoǵamǵa tanys ekendigin aıtqan onyń paıymynsha, atalǵan qujatta jalpy memlekettiń turaqtylyǵy, qoǵamdyq kelisim máselesine basa nazar aýdarylǵan. Bul Assambleıanyń jumysymen tikeleı baılanysty.
«Jalpy medıatsııa máselesin eki aradaǵy qarym-qatynasty retteýshi adam retinde qarastyrý kerek. Mundaı dástúr qazaqtyń dalasynda qarym-qatynasta, jalpy elaralyq, rýaralyq, memleketaralyq qarym-qatynastyń ishinde úlken róli bar ekendigi aıqyn», - dedi E.Toǵjanov.
Eki kúnge sozylatyn alqaly jıynnyń negizgi maqsaty medıatsııany paıdalaný tehnıkalary men tetikterin oqytý, etnosaralyq ózara baılanysty baıytýdy damytýǵa yqpal etetin daǵdylardy ıgerý, osy máseledegi Qazaqstannyń tájirıbesin talqylaý, qoǵamdyq kelisim, tózimdilik jáne ulttyq birlikti nyǵaıtýmen baılanysty Assambleıa qyzmetiniń jańa baǵyttaryn izdeý bolyp tabylady.
