Medıa-tulǵalar múmkindigi shekteýli jastarǵa áleýmettik rolıkter túsirýdi úıretýde
Áleýmettik jobaǵa 15-30 jas aralyǵyndaǵy jastar qatysa alady. Alaıda, olar irikteýden ótýleri tıis. Ulttyq delfıı komıteti irikteý kezeńderin Qazaqstannyń Aqtaý, Atyraý jáne Petropavl qalalarynda ǵana ótkizedi. Qazir komıssııa Petropavl qalasynda jumys istep jatyr.
«Іrikteý kezeńinen ótken qatysýshylar Nur-Sultan qalasynda belgili bloger, jýrnalıst, rejısserlarmen kezdesip, áleýmettik jarnama jasaýdyń jáne ony ınternet jelisinde taratýdyń qyr-syryn úırenedi. Oqý kýrsymyzdan ótken soń, óz óńirlerine kelip, túrli áleýmettik rolıkter túsiredi, ony ǵalamtorǵa júktep jumys isteıdi. Bizdiń mektepten ótken jastarǵa jarty jylǵa deıin qoldaý kórsetemiz», - deıdi Ulttyq delfıı komıtetiniń dırektory Quralaı Túspekova.
Ulttyq delfıı komıteti baspasóz qyzmetiniń habarlaýynsha, jobanyń maqsaty Qazaqstan aımaqtaryndaǵy erekshe qajettilikke ıe jastardy oqytý arqyly áleýmettik jarnama óndirýshilerdiń aımaqtyq jelisin damytý. Joba úsh kezeńnen turady. Birinshi kezeńde aımaqtardan 20 belsendi jas iriktelip alynady. Ekinshi kezeńde olardy elordadaǵy jetekshi medıa-sarapshylar oqytady. Úshinshi, qorytyndy kezeńde qatysýshylar alǵan bilimderin tájirıbe júzinde iske asyrady. ıAǵnı áleýmettik rolıkterdi túsirip, ınternette ilgeriletedi.
Mekteptiń medıa-jattyqtyrýshylary buǵan deıin Aqtaý jáne Atyraý qalalarynda bolyp, 8 daryndy jasty tańdap aldy. Petropavl qalasynda irikteý kezeńi 6-7 jeltoqsanǵa josparlanǵan. Bul kezeńinen súrinbeı ótken 20 qatysýshy Nur-Sultan qalasynda 10 kúndik oqý kýrsynan ótedi.
Jobany Qazaqstandaǵy AQSh elshiliginiń qoldaýymen Ulttyq delfıı komıteti iske asyrýda.
