Medıa ókilderine arnalǵan baıqaý jarııalandy

ASTANA. KAZINFORM — QR Mádenıet jáne aqparat mınıstrligi men QR Eńbek jáne halyqty áleýmettik qorǵaý mınıstrliginiń qoldaýymen «Medıa damytý qory» korporatıvtik qory 2025 jylǵy 1 tamyzdan bastap jumysshy mamandyqtar jylyna arnalǵan baıqaýǵa ótinimder qabyldaýdy bastady. Bul týraly Mádenıet jáne aqparat mınıstrligi málim etti.

Vedomstvonyń málimetinshe, baıqaýdyń basty maqsaty – adal eńbegimen elge úlgi bolǵan azamattardy tanytý, jumysshy mamandyq ıeleri men olardyń qyzmetin tanymal etý, eńbekqorlyq, adaldyq pen kásibılik qundylyqtaryn dáripteý. 

Baıqaýǵa jýrnalıster, blogerler, kontent-meıkerler, vıdeograftar, mobılograftar, fototilshiler, tele-radıo qyzmetkerleri, BAQ redaktsııalary men shyǵarmashylyq ujymdar myna nomınatsııalar boıynsha qatysa alady:

• Úzdik beınerolık («Eńbek adamynyń beınesi»)

• Úzdik telesıýjet (Eńbekqorlyq pen kásipqoılyq qundylyqtaryn ilgeriletý)

• Úzdik fotoreportaj (Sheberdiń bir kúni)

• Úzdik radıo suhbat (Eńbek adamymen suhbat)

• Úzdik pýblıtsıstıkalyq maqala (Eńbek áýletiniń jetistigi tarıhy).

Árbir nomınatsııa boıynsha 3 jeńimpaz anyqtalady. Ótinim 2025 jylǵy 15 qyrkúıekke deıin www.mdq.kz saıtynda qabyldanady.

Buǵan deıin habarlanǵandaı, «Daryn» memlekettik jastar syılyǵyna ótinim qabyldaý jalǵasyp jatyr.