«Medeýdiń» eks-dırektory Almatynyń haıýanattar baǵyn basqaratyn boldy
ALMATY. QazAqparat - Erjan Erkinbaev Almaty haıýanattar baǵynyń dırektory bolyp taǵaıyndaldy, dep habarlaıdy QazAqparat.
Almaty ákimdiginiń baspasóz qyzmeti habarlaǵandaı, Erkinbaev 2002 jyly Qazaq memlekettiń zań akademııasyn támamdaǵan.
2003-2005 jyldary Erkinbaevtyń basshylyǵymen Mariott Aktau Hotel», «Mariott Atyrau Hotel», «Mariott Executive Apartments Atyrau» sııaqty qonaq úı keshenindegi jobalar júzege asyrylǵan bolatyn. Ol sondaı-aq, Qazaqstannyń syrtqy týrızmin damytýǵa úlesin qosyp, Berlın, London, Madrıdtegi halyqaralyq kórmege Qazaqstandy tanystyrǵan bolatyn.
2013 jyly Almaty qalasynyń basshylyǵy Erjan Erkinbaevty «Medeý» sport keshenin basqarýǵa taǵaıyndaǵan. Erkinbaev qazaq, orys, aǵylshyn jáne túrik tilderin erkin meńgergen. Úılengen, bir qyzy men bir uly bar.
Aıta keteıik, qarasha aıynyń basynda Almaty haıýanattar baǵynyń dırektory bolǵan Qanat Kárimov qyzmetien ketetinin málim etken edi. Kárimov bul laýazymdy bir jylǵa jýyq ýaqyt qana atqardy.
