Medeýden Shymbulaqqa ekotaksı men avtobýstar qashan júredi

ALMATY. QazAqparat – Almaty qalalyq Jasyl ekonomıka basqarmasy «Medeý» sport kesheninen Shymbulaqqa ekotaksı men avtobýstar qashan júretinin aıtty, dep habarlaıdy QazAqparat tilshisi.

Almatylyqtar áleýmettik jelide Medeýden «Shymbulaq» taý shańǵysy kýrortyna jetý qıynǵa soqqanyn aıtyp, shaǵymdandy.

Almaty qalalyq Jasyl ekonomıka basqarmasynyń málimetinshe, «Shymbulaq» taý shańǵysy kýrortyna qatynaý karantınge baılanysty toqtatylǵan.

«Epıdemıologııalyq jaǵdaıǵa baılanysty «Shymbulaq» taý shańǵysy kýrortyna barý shekteýli boldy. Jaqynda atalǵan baǵyt boıynsha elektrotaksıler júretin bolady. Al jańa elektr avtobýstary qyrkúıek aıynan bastap qatynaıdy», - dep jaýap berdi basqarmadan.