Medeýden Saq qorǵandaryna deıin: «Almaty Jazy» aýqymdy ekologııalyq estafetasy ótip jatyr
ALMATY. KAZINFORM — Kóktemde bastalǵan 400 myńnan astam qala turǵyny qatysqan «Almaty — bizdiń ortaq úıimiz» naýqany «Almaty Jazy» azǵy ekoaktsııasymen jalǵasty. Qalany kóriktendirý boıynsha aýqymdy aktsııa aıasynda sýburqaqtar, ózender, sý aıdyndary men jaǵalaý aımaqtary tazartyldy.
Búginde megapolıste tabıǵatqa, jalpyqalalyq nysandarǵa uqypty qaraý mádenıetin tárbıeleýge baǵyttalǵan ekologııalyq is-sharalardyń jańa kezeńi ótýde. Jaz kúnderi adam jıi baratyn jerlerge — taýǵa, ózen jaǵalaýlaryna, saıabaqtar men skverlerge erekshe nazar aýdarylady.
«Almaty jazy» ekologııalyq estafetasy Medeý shatqalyndaǵy súıikti demalys ornynan bastaldy.
Munda belgili sportshylar Dmıtrıı Balandın, Erlan Tileýimbetov, Saltanat Qazybaeva, Dáýletbek Elhan, Mıhaıl Babaev jáne taýdy jaqsy kóretinder qorshaǵan ortany retke keltirip qana qoımaı, qonaqtarǵa kópshilik baratyn oryndaǵy mádenı minez-qulyq týraly aıtyp berdi.
Sodan keıin komıýnıtı ortalyqtardyń rezıdentteri qataryndaǵy jastar jáne belsendi uzaq ómir súrý ortalyqtaryna baratyn aǵa býyn ókilderi kúsh biriktirip, Úlken Almaty ózeniniń jaǵalaýyn tazartty.
Belsendi uzaq ómir súrý ortalyqtaryna kelýshiler qatarynan barlyǵy 80-ge jýyq zeınetker jáne «Jasyl el» men komıýnıtı ortalyqtaryń 120 múshesi jınaldy.
Tabıǵatqa, jalpyqalalyq nysandarǵa uqypty qaraý mádenıetin qalyptastyrýǵa baǵyttalǵan ekologııalyq is-sharalardyń jańa kezeń nysandarynyń biri — Maqataev atyndaǵy skver.
Qalanyń belsendi turǵyndary, olardyń arasynda «Damý bala» shyǵarmashylyq jáne sport sektsııasyna baratyn balalar skver aýmaǵyn tazalap, shóbin shabyp, tal-shilikti kesip, aqynnyń eskertkishin jýyp tazartty.
Sonymen qatar, balalar úshin skverde ashyq aspan astyndaǵy kitaphanada dáris ótkizildi. Oqýshylarǵa býkkrossıng týraly aıtyldy, sondaı-aq Otanǵa degen súıispenshilik pen patrıotızm taqyrybynda otandyq avtorlar jazǵan kitaptar usynyldy.
Sondaı-aq, ekoestafetaǵa «Taza Qazaqstan» respýblıkalyq aktsııasyn qoldaý úshin skverge arnaıy kelgen qazaqstandyq estrada juldyzdary qatysty.
«Almaty Jazy» ekoestafetasynyń kelesi pýnkti Naýryzbaı aýdanyndaǵy Saq qorǵandary kesheni boldy, onda qalanyń etnomádenı ortalyqtarynyń, shyǵarmashylyq zııaly qaýymnyń ókilderi jáne belsendi qala turǵyndary skverdi tazartty.
Qalanyń kommýnaldyq qyzmetiniń kúshimen kóshe jıhazdary, shaǵyn sáýlet nysandary retke keltirildi, aǵashtar men butalar kesildi. Damu bala úıirmesine qatysatyn balalar plenerde Qazaqstannyń týǵan ólkesi men tabıǵatyn beınelegen.
Qazaqstan Jazýshylar odaǵynyń tóraǵasy Mereke Qulkenov urpaqtar sabaqtastyǵynyń jáne óskeleń urpaqtyń boıynda otansúıgishtik pen Otanǵa degen súıispenshilik sezimin tárbıeleýdiń mańyzyn atap ótti.
«Qazaqstannyń ásem tabıǵatyn aqyndar jyrǵa qosqan. Bizdiń ata-babalarymyz shópti taptaýǵa, sýdy laılaýǵa bolmaıdy, kerisinshe aınalamyzdaǵy tabıǵatty qorǵaý kerek dedi. Qazir bizdiń soǵan orala bastaǵanymyz qýantady. Bul saıabaqqa ata-ájeler men nemereler aǵash sýarý jáne serýendeý úshin keledi. Almaty erekshe qala, eger biz árbir aǵash pen gúldi qorǵasaq, onda ol álemdegi eń keremet qala bolady. Endi biz turǵyndarǵa yńǵaıly bolý úshin qalamyzdyń ınfraqurylymyn jaqsartýymyz kerek. Saq qorǵandary qasıetti oryn jáne ony mindetti túrde taza ustaý kerek», — dedi shyǵarmashylyq birlestiktiń basshysy M.Qulkenov.
«Almaty Jazy» ekoestafetasy barlyq aýdanda jalǵasyp, birneshe kúnge sozylady.
Osylaısha, búkil qalany retke keltirý men turǵyndardyń nazaryn kóriktendirý máselesine aýdarý jónindegi is-sharalar ótedi.
