Medeýdegi órtti sóndirýge tikushaq jiberildi
ALMATY. QazAqparat – Almatynyń Medeý aýdanynda qýraǵan shóp órtenip jatyr, dep habarlaıdy QazAqparat tilshisi.
Órttiń vıdeosy WhatsApp jelisi arqyly tarap jatyr.
Almaty qalalyq Tótenshe jaǵdaılar departamentiniń málimetinshe, Іle-Alataýy memlekettik ulttyq tabıǵı parki, Kishi Almaty ormanshylyǵy 33-aýmaǵynda qýraǵan shóp janýda.
«Oqıǵa ornynda «Іle-Alataý» MUTP qyzmetkerlerinen 27 adam jáne Tótenshe jaǵdaılar departamentinen 22 maman, sondaı-aq 5 tehnıka jumyldyryldy», - dep habarlady vedomstvodan».
Sonymen qatar málim etilgendeı, Medeý taýyndaǵy órtti sóndirýge «Qazavıaqutqarý» tikushaǵy shyqty.
