Medeýdegi áıgili baspaldaqta jarys ótedi
ALMATY. QazAqparat - Almatyda Medeýdegi 800 satyly baspaldaqta áýesqoılar arasynda jarys ótedi. Bul týraly sporttyq HAB habarlady.
Jarys «Sporttyq Almaty» sharasy aıasynda 23 qyrkúıekte ótedi.
«Saıysqa medıtsınalyq shekteýi joq kez kelgen adam qatysa alady. 7 jastan asqan balasy bar otbasylar arasynda da toptyq jarys ótedi. 7-12 jas arasyndaǵy balalar 100 satyǵa deıin jarysady. 60 jastan asqan qarııalar da osy qashyqtyqty baǵyndyrady. Sonymen qatar, qatysýshylar 100, 200, 300, 500 jáne 841 baspaldaqpen júgirýden baq synaıdy», - dedi baspasóz qyzmetindegiler.
Qatysý tegin. Tirkelý sol jerde saǵat 08:00-den bastalady. Sporttyq shara 10:15-te bastalyp, ár jas sanaty boıynsha 10-15 adamnan belgili bir ýaqytta jiberiledi.
Jeńimpazdar men júldegerler úzdik nátıjeler boıynsha, barlyq jas erekshelikterine baılanysty anyqtylatyn bolady. Olar medal jáne dıplomdarmen marapattalady, al belsendi qatysýshylarǵa jarys uıymdastyrýshylary men seriktesteri atynan syılyqtar tabystalady.
