«Medeýdegi» jańǵyrtý jumystary qalaı júrip jatyr
ALMATY. KAZINFORM — Almaty ákimi Darhan Satybaldy «Medeý» bıik taýly sport keshenin qaıta jańǵyrtý jumystarynyń barysymen tanysty.
Jańǵyrtý kezinde muz aıdyny kesheniniń tarıhı kelbeti tolyq saqtalady.
— Joba energııa únemdeıtin sheshimderdi engizýdi kózdeıdi: jańa tońazytqysh jabdyǵy ornatylyp, ınjenerlik jeliler jańartylady. Shyǵys qanattaǵy qonaq úı jóndeledi, al batys trıbýnada kofehanalary bar terrasa men demalys aımaǵy jasalady, — delingen Almaty ákimdiginiń baspasóz qyzmeti taratqan habarlamada.
Sonymen qatar keshen aldynda SUN-DECK demalys aımaǵyn qurylady. Іrgeles aýmaqqa júrginshiler baǵyttary, sholý alańdary, kógaldandyrý jáne sáýlettik jaryqtandyrý qosylady. Múgedektigi bar jandar úshin eki jedelsaty ornatylady.
— Bul jumystar 2027 jyly tórtinshi toqsanynda aıaqtalady dep josparlanyp otyr, — dep habarlady ákimdik.
Eske salaıyq, buǵan deıin «Medeý» muz aıdynyn jańǵyrtý jumystary aıasynda jańa jobalar júzege asyrylatynyn jazǵanbyz.