Medeýde tóbeleskenderdiń biri qarsylasyna balta siltedi

ALMATY. KAZINFORM – Áleýmettik jelilerde eki adamnyń tóbelesken beınejazbasy tarady. Qaqtyǵysqa qatysýshylardyń biriniń qolynda balta bolǵan. 

Beınejazbadan Medeý sport kesheni aldynda eki adamnyń janjaldasyp, keıin bireýiniń qulap túskenin kórýge bolady. Jaqyn mańaıdaǵy adamdar tóbeleske qatysqan adamnyń qolynan baltany alyp, jedel járdem shaqyrýǵa tyrysqan.

Atalaǵan jaǵdaıǵa baılanysty Almaty qalasy Polıtsııa departamenti túsinikteme berdi.

— Balta qoldanylǵan buzaqylyq faktisi boıynsha qylmystyq is qozǵaldy. Qaqtyǵysqa qatysýshy eki adam da ustalyp, ýaqytsha ustaý ızolıatoryna qamaldy. Aldyn ala málimet boıynsha, janjalǵa qatysýshylar ózara tanys adamdar. Basqa jaǵdaılar belgilenedi, — dep habarlady departament baspasóz qyzmetinen.

Aıta keteıik, buǵan deıin Almatyda oqýshy qyzdar er azamatty soqqyǵa jyǵyp, vıdeoǵa túsirgenin jazǵanbyz.