Medeýde shlagbaýmy bar aqyly kólik turaǵy paıda bolady
ALMATY. QazAqparat-15 naýryzdan bastap «Medeý» sport kesheni janyndaǵy kólik turaǵy aqyly bolady, dep habarlaıdy QazAqparat tilshisi «Almaty parkıng» kompanııasynyń Facebook paraqshasyna silteme jasap.
Avtoturaq 191 kólikke arnalǵan. Kelýshiler bir saǵat úshin 100 teńge tóleıdi. Ol táýlik boıy jumys isteıdi.
Avtoturaqta qorshaýlar, shlagbaým, halyqaralyq standarttarǵa sáıkes belgiler bar. Kólik turaǵynyń aqysyn parkomat kómegimen nemese onlaın-tólemniń barlyq túri – «Almaty turaqtary» qosymshasy, mobıldi bankıng, QIWI termınaldary jáne SMS arqyly tóleýge bolady.
«Demalys kúnderi «Medeýge» baratyn júrgizýshiler yńǵaısyzdyqqa tap bolyp jatady. Avtoturaqta oryn jetpeıdi, keshenge kireberister qoqysqa tolady. Avtokólik ıelerine tolyq jabdyqtalǵan avtoturaqtyń paıda bolýy jeke kólik quraldaryn paıdalaný kezinde yńǵaıly bolady, sonymen birge turaq erejesin buzatyndar azaıady», - dep atap ótti kompanııadaǵylar.
