Medeýde ekinshi bógettiń qurylysy josparlanǵan joq - QR TJM
ASTANA. 1 sáýir. QazAqparat - Medeýde ekinshi bógettiń qurylysy josparlanǵan joq. Bul týraly búgi QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Tótenshe jaǵdaılar vıtse-mınıstri Valerıı Petrov málim etti.
Ol Medeý shatqalyndaǵy jaǵdaı árdaıym baqylaýda turǵanyn atap ótti.
«Negizgi qater №6 kólinde bolǵan. Búginde TJM tehnıkalyq sharalary arqasynda qaýip seıildi»,-dedi vıtse-mınıstr.
Osy oraıda V. Petrov Medeýdegi bóget barlyq talaptarǵa saı ekenin, onyń kólemi 12,6 mln. tekshe metrdi quraıtynyn jetkizdi.
«Sondyqtan da qosymsha bógettiń qurylysy qarastyrylyp otyrǵan joq. Búginde paıdalanylyp otyrǵan kez kelgen tasqyndy bógep qalýǵa qaýqarly»,-dep túıdi ol.
