«Medeý» tabıǵı parkindegi jer ýchaskeleri úshinshi tulǵalardyń paıdasy úshin ıelikten shyǵarylǵan
«Almaty qalasy əkimdiginiń jumysyndaǵy kemshilikterdiń biri – qala qurylysyn josparlaýdyń tıimsiz júıesi. Atap aıtqanda, Qalanyń bas jospary 2004 jyly qabyldanǵan jəne búgingi kúngi shyndyqqa (demografııany, halyqty jylýmen jabdyqtaýdy, ekologııalyq talaptardy jəne t.b. eskermegen) səıkes kelmeıdi. Sonymen qatar olarda seısmologııalyq qaýip-qaterler (tamaq qabyldaý pýnktteri, jer silkinisi kezinde qaýipsiz oryndar, taýlarǵa jaqyn janarmaı quıý beketteri jəne t.b.) kózdelmegen. Óńirdiń jergilikti atqarýshy organdarynyń bas jospardy jəne egjeı-tegjeıli josparlaý jobalaryn saqtamaýy taǵy bir júıeli buzýshylyq sanalady. Prokýrorlar Almaty qalasynda jəne qala mańyndaǵy aımaqtarda (Almaty oblysynyń aýmaǵy) bas jospardy buza otyryp, jer ýchaskeleriniń nysanaly maqsatyn zańsyz ózgertýdiń jəne egjeı-tegjeıli josparlaý jobalary túzetýleriniń 100-den astam faktisin anyqtady», - dep atap ótedi Bas prokýror jaýabynda.
Onyń dereginshe, Túrkııada oryn alǵan oqıǵalar aıasynda qala prokýrorynyń narazylyqtary boıynsha taýly jerlerde 120 ýchaskeniń (250 gektar) zańsyz salynýyna jol berilmedi.
«Sondaı-aq «Medeý» tabıǵı parkiniń aýmaǵyndaǵy jer ýchaskelerin (45 gektar) úshinshi tulǵalardyń paıdasyna ıelikten shyǵarý faktileri anyqtaldy. Atalǵan buzýshylyqtar boıynsha Almaty qalasynyń prokýratýrasy jerge ruqsat berý qujattarynyń kúshin joıý týraly 10 talap qoıý engizdi. Qadaǵalaý is-sharalary boıynsha egjeı-tegjeıli túgendeý júrgizý arqyly aýdany 13 gektar (Jaılaý shaǵyn aýdany) taýly jerlerde jeke turǵyn úı qurylysyna bólingen jer paıdalaný quqyǵyna arnalǵan memlekettik aktilerdiń kúshi joıyldy», - dedi Berik Asylov.
