«Medeý» sport kesheni kóktemde oıyn-saýyq kesheni retinde bet-álpetin ózgertedi
/strong>Naýryzdyń 2-si. QazAqparat /Názıra Eleýhan/ - «Medeý» muz aıdynynda qysqy syrǵanaq maýsymy naýryz aıynyń 14-i kúni jabylady.
Birqatar jóndeý jumystary aıaqtalǵannan soń bul jerde alǵash ret «Medeý» taýly oıyn-saýyq kesheni ashylady. Bul týraly búgin Almatyda ótken arnaıy baspasóz máslıhatynda «Medeý» JShSK basshysy Sabyrjan Bektemisov málim etti, dep habarlaıdy QazAqparat.
«Muz aıdynynyń jumysyn toqtatqan sebebimiz, muzdatqysh qurylǵylarynyń besinshi ornatylymy men onyń túgeldeı derlik elektrlik jeli arqyly jumys isteýine baılanysty jóndeý jumystaryn júrgizemiz. Josparly jóndeý jumystary aıaqtalǵannan soń muz aıdyny jyly temperatýrada da tıimdi rejımde jumys isteıtin bolady», - dedi Almaty qalasy ákimshiligi jóndeý jumystary basqarmasynyń basshysy Qojamurat Úsenov.
«Muzdatqysh qurylǵylary óshirilse de, muz aıdyny óziniń jumysyn ary qaraı jalǵastyrmaq. «Kóktem-jaz kezinde muz aıdynynyń ornynda alǵashqy taýly oıyn-saýyq oryny ashylady. Bul - búkil otbasyna arnalǵan demalys orny bolady, sonymen qatar, bul jer kommertsııalyq jobalar men Qazaqstan jáne shetel juldyzdary ónerin tamashalaýǵa arnalǵan úlken kontserttik sahnaǵa aınalady» - dedi «Medeý» JShSK basshysy Sabyrjan Bektemisov.
Aldyńǵy ýaqyttaǵy damý josparyna saı, oıyn-saýyq ortalyǵy jyl maýsymyna saı túrli beınege ózgeredi. Mysaly, kúz ben qysta bul konkımen syrǵanaý orny - «Qarly álem» qyzmeti bolsa, kóktem-jaz ýaqytynda ashyq daladaǵy kınoteatr men attraktsıondar orny bar - «Oıyn-saýyq álemi» bolady, sondaı-aq jańa joba - «Ormandy álemde» taýǵa shyǵý týrıstik serýender, skaýt lagerler men taý velosıpedteri jáne kvadrotsıklderdi júrgizýge múmkindik bolady. Sonymen qatar, bul jerde boks, kúres, basketbol, mınıfýtbol sııaqty túrli baǵytta sport alańdary, trenajer zaly men skeıtpark ashylady. Bunymen qatar, munda qalypqa keltirý spa - basseıni jáne trenajerleri bar medıtsınalyq ortalyq ornalasatyn bolady.
Arnaıy jastar úshin «Medeý» joǵary shatqaldy baǵy TMD aımaǵyndaǵy eń úlken LED- dıspleıde túrli kınobaǵdarlamalarynyń keshki kórsetilimderi men apta saıynǵy Party baǵdarlamalaryn usynady.
«Medeý» JShSK jańa rejıminiń paıda bolýyna elimizde 2011 jyly ótetin Qysqy Azıada oıyndaryna daıyndyq sebep boldy. Osy ózgeristerdiń barlyǵy halyqty osy oıyndarǵa nazar aýdarý maqsaty barysynda júredi, sol arqyly qala turǵyndary men qonaqtary basqa elderdiń mádenıeti men salty jaıly kóbirek biletin bolady. Baǵdarlama boıynsha ataqty óner juldyzdarynyń kelýi, Open air kontsertteri, retro jáne baıkerler festıvalderi men taǵy da basqa ár túrli sharalar josparlanýda», - dep atap ótti Almaty qalasynyń týrızm, dene shynyqtyrý men sport basqarmasynyń basshysy Haırbolat Haıdarov.
