Medeý-Shymbulaq-Úlken Almaty kóline ekotaksı qatynaıtyn boldy
ALMATY. QazAqparat – Almatyda Medeý-Shymbulaq-Úlken Almaty kóli marshrýty boıynsha ekotaksı júretin boldy, dep habarlaıdy QazAqparat tilshisi.
«Búgin aldymen Medeý-Shymbulaq týrıstik marshrýty boıynsha ekotaksı qatynaıdy. Sebebi, bul marshrýtta júretin adam kóp. Keleshekte Úlken almaty kóli, Aıýsaı shatqalyna deıin marshrýtty keńeıtemiz. Sebebi, ol jaqta tabıǵatqa keltiretin zııandy azaıtý kerek», - dedi Qoǵamdyq keńes otyrysynda qalalyq Jasyl ekonomıka basqarmasynyń basshysy Natalıa Lıvınskaıa.
Onyń aıtýynsha, bul marshrýttarda buǵan deıin de ekotaksı júrgen.
«Burynǵy takıslerdiń de jumysy jalǵasatyn bolady. Biz ekologııalyq taza kólik jelisin kóbeıtip, týrıstik marshrýtty keńeıtip jatyrmyz», - dedi ol.
