Medeý-Shymbulaq tas joly ýaqytsha jabylady
ALMATY. QazAqparat - Almatydaǵy Medeý-Shymbulaq tas joly ýaqytsha jabylady, dep habarlaıdy QazAqparat tilshisi.
25 qazan kúni atalǵan jol boıyndaǵy quzdar tastan tazartylady. Soǵan baılanysty jol jabyq bolady.
«Jolaýshylar men týrısterdiń qaýipsizdigin saqtaý maqsatynda 109 qyzmeti «Medeý-Shymbulaq» tas jolynyń asa qaýipti tustaryn tastan tazalaıdy. Sonymen qatar, tas kóshkinin ustap turatyn bógetter jóndeledi», - dedi qalalyq TJD resmı ókili Sandýǵash Baımuhambetova.
«Medeý» muz aıdyny men «Shymbulaq» taý kýrorty - Almatynyń eń kórnekti oryndary. Munda jylyna 530 myń adam serýendeýge keledi.
