Medeý saıabaǵyn qulaǵan aǵashtan tazartý jumysy aıaqtalýǵa jaqyn - Erbol Shormanov
ALMATY. 25 sáýir. QazAqparat - Medeý saıabaǵy aýmaǵyn qatty boran kezinde qulaǵan 100 myń aǵashtan tazartý aıaqtalýǵa taqady. Ony Almaty qalasy ákiminiń orynbasary Erbol Shormanov búgin buqaralyq aqparat quraldarymen bolǵan kezdesý kezinde málimdedi.
«Qalalyq ákimdikke qarasty Medeý saıabaǵy aýmaǵyndaǵy qulaǵan aǵashtar qazir turǵyndarǵa tegin berilýde. Alǵashqy kezde ony satýdy josparlaǵan edik. Endi tazartý jumysyn jedeldetý maqsatynda osyndaı sheshim qabyldanyp otyr. Quramyna Medeý saıabaǵy kiretin Іle Alataýy tabıǵat parkindegi tazartý jumysy áli tolyq qarqynmen júrgizilip jatqan joq. Buǵan qatysty biz Aýyl sharýashlyǵyna jyldam sheshim qabyldaý jóninde árdaıym hat joldap jatyrmyz. Sebebi quraǵan aǵash qaldyǵy órt qaýpin arttyrýda», - E. Shormanov. Onyń aıtýynsha, Іle Alataýy parki Aýyl sharýashylyǵy mınıstrligine qaraıdy. Jaqyn arada respýblıkalyq bıýdjetti naqtylaý jumysynan keıin qulaǵan aǵashtardy qosymsha taǵy tazalaý úshin arnaıy qarjy qarastyrylmaq. Sondaı-aq quzyrly mınıstrlik bıyl onda 4,5 myń aǵash otyrǵyzýdy josparlap otyr.
Almatyda 100 myń aǵash qırady.
