«Medeý» saıabaǵy aýmaǵynda senbilik jumystary júrip jatyr
ALMATY. 16 shilde. QazAqparat /Ádilet Musahaev/ - Búgin Almatydaǵy «Medeý» memlekettik óńirlik tabıǵı saıabaǵy aýmaǵynda senbilik jumystary ótip jatyr.
Atalǵan shara aıasynda aǵymdaǵy jyldyń 27 maýsymynda bolǵan daýyldyń saldarynan qulaǵan aǵash, butalardy jınaý jumystary júrgizilýde.
Esterińizde bolsa, 17 mamyrda bolǵan daýyldyń saldarynan Іle Alataýy ulttyq saıabaǵy aýmaǵynda 480 ga jerdegi orman alqaby zardap shegip, kólemi 97 myń tekshe metr aǵash búlingen bolatyn. Qala aýmaǵynda 4144 aǵash qulaǵan.
Ótken aptada qalanyń Alataý aýdanynyń turǵyndary osy «Medeý» shatqalyn tazartýǵa bastama kóterip, senbilik jumystaryn júrgizgen edi. Oǵan 1800 adam qatysyp, 100-ge tarta tehnıka tartylǵan bolatyn.
Búgingi senbilik jumystaryna da aýdandyq ákimdikter, «Almaty qalasynyń qutqarý qyzmeti» KMK, «Almaty tazalyq» KMK, «Tártip» AQ jáne basqa da uıymdar jumyldyrylýda, sonymen birge, tazalaý jumystaryna B.Momyshuly atyndaǵy Tótenshe jaǵdaılar mınıstrligine qarasty polktyń áskerıleri qatysyp jatyr.
