«Medeý» muz aıdynynyń mańyndaǵy turaq 5 jeltoqsanǵa deıin tegin bolady
ALMATY. QazAqparat - Almatyda «Medeý» muz aıdynynyń mańyndaǵy parkıngide operatordy aýystyrý jumystary júrýde, dep habarlaıdy QazAqparat tilshisi.
«Shymbulaq» taý kýrortynyń baspasóz qyzmeti habarlaǵandaı, 22 qarasha men 5 jeltoqsan aralyǵynda parkıngide eski jabdyqtardy zamanaýı jabdyqtarǵa aýystyrý jumystary jospar boıynsha júrgizilýde. Osyǵan baılanysty qazirgi ýaqytta parkıng aýmaǵynda turaq aqysy alynbaıdy.
«2022 jyldyń 5 jeltoqsanynan bastap jabdyqtar aýysqan soń, turaqtyń quny ózgermesten parkıng óz jumysyn shtattyq rejımde qaıta bastaıdy»,-dep habarlady «Shymbulaq» taý kýrortynyń baspasóz qyzmeti.
