«Medeý» muz aıdynynda syrǵanaý maýsymy qashan ashylady
ALMATY. QazAqparat – «Medeý» muz aıdynynda syrǵanaý maýsymy qazan aıynyń ekinshi jartsynda ashylady, dep habarlaıdy QazAqparat tilshisi.
Almaty qalasynyń sport ǵımarattary dırektsııasynyń dırektory Naıl Nýrovtyń aıtýynsha, muz aıdynynda barlyq sanıtarlyq talaptar saqtalady.
«Biz pandemııaǵa baılanysty arnaıy algorıtm jasadyq. Bıylǵy maýsymnyń basty mindeti - qonaqtarymyzdyń densaýlyǵyna tónetin qaýipti meılinshe azaıtý. Sonydyqtan barlyq sanıtarlyq talaptar eskerilip, onyń oryndalýy nazarda bolady», - deıdi Almaty qalasynyń sport ǵımarattar dırektsııasynyń basshysy Naıl Nýrov.
Sonymen qatar, ol stadıonda kúsheıtilgen dezınfektsııalyq rejım engizilgenin atap ótti. Kassa aldynda uzyn-sonar kezek paıda bolmas úshin,muz aıdynynyń ákimshiligi radıkaldy jáne tıimdi shara qoldady. ıAǵnı, kassalar jumys istemeıdi jáne kirý bıletterin tek www.medey.info saıty arqyly satyp alýǵa bolady. Muz aıdynyna kelýshiler ortalyq kireberis arqyly kirip, soltústik-shyǵys qaqpasy arqyly shyǵady.
«Taǵy bir mańyzdy saqtyq - kelýshilerdiń sanyn shekteý. Muz aıdynynda bir ýaqytta 2 myńǵa jýyq qana adam bolady. Jaıaý júrginshiler aımaǵy men muzdaǵy áleýmettik ara qashyqtyqtyń saqtalýyn qadaǵalaıtyn stıýardtardyń sany edáýir artady», – dep qosty ol.
Aıta keteıik, syrǵanaý maýsymnyń ashylýy aýa raıyna ǵana emes, qaladaǵy epıdemıologııalyq jaǵdaıǵa da baılanysty bolady. Muz aıdynyna SES mamandary tolyq kólemde tekserý júrgizedi.
