«Medeý» muz aıdynynda dopty hokkeıden týrnır ótedi
ALMATY. Qazannyń 15-i. QazAqparat /Erlik Erjanuly/ - Qazannyń 26-27 kúnderi Almatydaǵy «Medeý» muz aıdynynda dopty hokkeıden týrnır ótedi. Bul kúrdeli jóndeý jumystarynan keıin sport nysanyndaǵy 2011 jylǵy 7-shi qysqy Azııa oıyndary qarsańyndaǵy aıasynda uıymdastrylyp otyrǵan synaqtyq jarys bolmaq.
Oǵan 3 ret Álem Chempıonattaryna jáne Álem Kýboktary matchtaryna tóreshilik etken respýblıkalyq tóreshiler alqasynyń tóraǵasy, halyqaralyq dárejedegi tóreshi Vıacheslav Ilın. Sonymen qatar jalpyodaqtyq rekordy áli buzylmaǵan (qarsylastar qaqpasyna 634 dop soqqan) Evgenıı Agýreev pen Aleksandr Ionkın, Borıs Chehlystov, Borıs Kazantsev sııaqty áıgili ardager hokkeıshiler qonaq retinde shaqyrylyp otyr.
«Medeý» MQKK dırektory Sabyrjan Bektemisovtyń aıtýynsha, sport kesheni bul týrnırge qatysýshylardy qarsy alýǵa daıyn. Onda qazannyń 10-ynda muzda jappaı syrǵanaý maýsymy ashyldy. Bul jarys kezinde is-shara atmosferasy Azıada atmosferasyna jaqyndastyrylady. Sondaı-aq jergilikti telearnalardyń ókilderine halyqaralyq jarystardy tikeleı efır rejıminde translıatsııalaýǵa arnalǵan germanııalyq jańa qurylǵylardy baıqap kórýge tamasha múmkindik jasalyp otyr.
