«Medeý» muz aıdynyn qaıta jańartý jumystary jeltoqsan aıynda aıaqtalady
sp;ASTANA. Qarashanyń 23-i. QazAqparat /Damır Baımanov/ - «Medeý»- muz aıdynyndaǵy qaıta jańartý jumystary, josparlanǵandaı 2011 jylǵy Azııada oıyndaryna qarsy emes, aǵymdaǵy jyly jeltoqsannyń ekinshi jartysynda aıaqtalady.
Bul týraly QazAqparat tilshisine «Medeý» muz aıdyny» memlekettik kommýnaldyq kásipornynyń marketıng, jarnama jáne týrızm bóliminiń basshysy Ǵazıza Japparova habarlady.
«Medeý» Almaty turǵyndary úshin de, qala qonaqtary úshin de óte mańyzdy nysan bolyp tabylady. Mine, sondyqtan da, aıdyndy qaıta jańartý jumystary, josparlanǵandaı, 2011 jylǵy Azıada oıyndaryna qarsy emes, 2009 jyly jeltoqsannyń ekinshi jartysynda aıaqtalady», dep atap kórsetti Ǵ.Japparova.
Onyń aıtýynsha, aıdynnyń ashylýyna oraı Almaty basshylyǵynyń, Azıada oıyndarynyń uıymdastyrý komıtetiniń, Týrızm jáne sport mınıstrliginiń, «Medeý» kesheni men kásiporyn seriktesteriniń qatysýymen baspasóz máslıhaty ótkiziledi.
Medeý aıdyny teńiz deńgeıinen 1,691 metr bıikte ornalasqan muz aıdyny, ol álemdegi eń ataqty muz aıdyndarynyń biri. 1972 jyly turǵyzylǵan «Medeý» aıdyny 10500 sharshy metr jerdi alyp jatyr jáne 10500 kórermendi syıǵyzady. Álemdegi 120-dan asa úzdik sporttyq rekord osy muz aıdynynda ornatylǵan.
