«Medeý» muz aıdyny janynan kreatıvti ındýstrııalar ortalyǵy salynady
«Mysaly, qolóner sektoryn damytý qajettiligin eskere kele, elordalyq Ulttyq mýzeıdiń úı-jaılaryn paıdalaný máselesi qaıta qaraldy. Býtıkter men sheberhanalary bar qolónershiler ortalyǵyna 700 sharshy metr bólý týraly sheshim qabyldandy. Sondaı-aq, jaqynda Almatyda Halyqaralyq qolónershiler forýmy ótti. Shaharǵa elimizdiń túkpir-túkpirinen, Eýropa men Ortalyq Azııa elderinen 300-den astam sheber-qolónershiler keldi. Aldaǵy ýaqytta biz shynaıy ónimder arqyly óner jáne mádenıet ókilderin kóp jumys oryndarymen qamtı alamyz»,- dedi spıker.
Almatyda Medeý stantsııasynyń aspaly jolynyń janynda kreatıvti ındýstrııalar ortalyǵyna 1,5 myń sharshy metr jer bólindi.
«Menshik ıesimen birlesip ınvestıtsııalaý jáne shyǵarmashylyq habty birlesip basqarý týraly ýaǵdalastyqqa qol jetkizildi. Hab tujyrymdamasyna arnalǵan konkýrs tamyz aıynda ótkizildi jáne Kreatıvti ındýstrııalar aptalyǵy aıasynda qosymsha semınar ótedi. Onda tujyrymdama búgingi is-sharaǵa qatysatyn jergilikti jáne shaqyrylǵan kreatıvti hab sarapshylarynyń kómegimen krıstaldanatyn bolady»,- Erjan Erkinbaev.
Jeke kreatıvti habtardan basqa, Mınıstrlik kreatıvti ujymdar úshin úı-jaılar men jabdyqtarǵa qol jetkizýge múmkindik beretin vedomstvolyq baǵynysty uıymdardyń tizimin anyqtady.
«Olardyń tizimine Qazaq kontsert, Qazaqfılm, ártúrli fılarmonııalar men kitaphanalar kirdi. Biz osy múmkindikti basqa aımaqtarda jarııalamas buryn dál osy kásiporyndarda yntymaqtastyq modelin pılottyq rejımde ótkizý usynylady»,- dedi QR Mádenıet jáne sport vıtse-mınıstri Erjan Erkinbaev.