«Medeý» muz aıdyny men «Shymbulaq» taý-shańǵy shıpajaıyna baratyn jol jabyldy - Almaty qalalyq ІІD
ALMATY. 1 jeltoqsan. QazAqparat - Almatyda qalyń qardyń túsýi men aýa raıy jaǵdaıynyń kúrt nasharlaýyna baılanysty jol polıtsııasy TJD-men birigip «Medeý» muz aıdyny men «Shymbulaq» taý-shańǵy shıpajaıyna baratyn joldy japty.
JPB-nyń ekpıpajdary ekologııalyq bekette qyzmetti kúsheıtilgen rejımde júrgizýde, dep habarlaıdy qalalyq ІІD-niń baspasóz qyzmetinen.
Qazirgi ýaqytta atalǵan ýchaskede tazalaý tehnıkasy jumys isteýde. Túsken qardyń qalyńdyǵy 76 santımetrdi quraıdy. Nashar kóriný aımaǵyna polıtseıler tek jergilikti turǵyndardy ǵana jiberýde.
Almaty qalalyq ishki ister departamenti qaýipsizdik maqsatynda azamattardy taýǵa barýdan bas tartýlaryn suraıdy. «Medeý» jáne «Shymbulaqqa» aparatyn jol tazalaý jumystary aıaqtalǵansha jabyq bolady.
