«Medeý» muz aıdynynda konkımen syrǵanaý maýsymy qashan ashylady
"Medeý" muz aıdynynda konkımen syrǵanaý maýsymy 15 qarasha kúni ashylady. Bul týraly muz aıdynyń baspasóz qyzmeti áleýmetti jelide málim etti, dep habarlaıdy Kazinform.
«Medeý» muz aıdyny basshylyǵynyń málimetinshe, qazirgi ýaqytta ashylý saltanatyna daıyndyq jumystary júrip jatyr.
«Dostar! Búgin biz sizdermen qýanyshty jańalyqpen bóliskimiz keledi. "Medeý" muz aıdyny" óz esigin 15 qarasha kúni aıqara ashady.
Qazirgi kezde biz ashylý saltanatyna daıyndalyp jatyrmyz!
Nysanda daıyndyq jumystary aıaqtalyp, muz quıyla bastady», - dep jazdy jelide «Medeý» muz aıdynyń baspasóz qyzmeti.
Eske salasaq, áleýmettik jelide Medeýde jaýǵan qardyń vıdeolary paıda bolǵan edi.
Sondaı-aq qúlaǵan tastardyń saldaryn joıýǵa baılanysty Medeý-Shymbulaq avtojolymen ótýdiń rejımi belgilengen bolatyn.
