«Medeý» muz aıdyny osy syrǵanaý maýsymynan keıin birneshe jylǵa jabylady

ALMATY. KAZINFORM — «Medeý» muz aıdynynda jóndeý jumystary bıyl bastalady. 

«Медеу» мұз айдыны осы сырғанау маусымынан кейін бірнеше жылға жабылады
Фото: Алматы әкімдігі

«Medeý» muz aıdynynda byltyr syrǵanaý maýsymy 15 naýryz kúni aıaqtalǵan edi. Almaty ákimdiginiń málimetinshe, bıyl qala turǵyndarynyń tilegi jáne muzdy tıisti deńgeıde saqtaýǵa múmkindik beretin aýa raıynyń arqasynda nysan naýryz aıynyń sońyna deıin jumys isteıdi. 

Aıta keteıik, 11 naýryzdan bastap muz aıdyny tek keshki jumys ýaqytyna kóshti. Atap aıtqanda, jumys kúnderi saǵat 17:00-den 20:00-ge deıin, al demalys kúnderi 17:00-den 20:00-ge deıin jáne 21:00-den 24:00-ge deıin ashyq bolady.

Almaty qalasynyń Qurylys basqarmasy bıylǵy maýsymnan keıin «Medeý» jóndeý jumystaryna jabylatynyn málimdedi.

— «Medeýdi» jańǵyrtý jumystary EPC kelisimsharty (Engineering, Procurement, Construction) sheńberinde osy jyly josparlanǵan. Tıisinshe, bul maýsym jóndeý jumystary aldyndaǵy sońǵy maýsym bolady. Jobanyń quny memlekettik saraptamadan ótkennen keıin aıqyndalady, - dep habarlady basqarmadan.

Rekonstrýktsııa jumystaryn 2025-2027 jyldary aralyǵynda júrgizý josparlanǵan. Qala ákimshiligi «Medeý» muz aıdyny jabylýyna baılanysty jappaı syrǵanaýdyń qoljetimdiligin qamtamasyz etý úshin qysqy maýsymda kóshe muz aıdyndarynyń sanyn odan ári ulǵaıtýdy qarastyrady.

Eske salaıyq, buǵan deıin «Medeý» muz aıdyny qalaı jańartylatynyn jazǵanbyz.

Сейчас читают