Medeý men Shymbulaqtyń arasynda Shuttle Bus ekotransporty qatynaı bastady
ALMATY. QazAqparat - Medeý men Shymbulaqtyń arasynda Shuttle Bus ekotransporty qatynaı bastady. Bul týraly qalalyq ákimdiktiń baspasóz qyzmeti habarlady.
Endi «Medeý» taý shańǵysy kesheninen «Shymbulaq» kýrortyna deıin jolaýshylardy ekologııalyq turǵydan taza 2 mıkroavtobýs jetkizetin bolady.
Ázirge bir baǵyttaǵy júrý quny 200 teńge. Eki aptalyq testileý ýaqytynan soń Shuttle Bus júıesiniń ekonomıkalyq shyǵyny eseptelip, jol júrýdiń sońǵy quny anyqtalady.
Jolaýshylar sanyna qaraı júretin kólikterdiń sanyn ulǵaıtý josparda bar.
Sondaı-aq, búginnen bastap «Tau Line» taksomotorlyq kompanııasynyń 12 kóligi jumysqa shyǵady. Shymbulaqqa 1 adamnyń taksımen jetýine 300 teńge ketedi.
Aıta ketý kerek, Medeý-Shymbulaq marshrýty boıynsha jumys jasaıtyn kólikterdiń barlyǵy otandyq óndiristen shyqqan. Olardyń kópshiligi ekologııalyq taza otynmen jumys isteıdi. Sondaı-aq, kúsheıtilgen tejegish júıesimen jabdyqtalǵan.
