«Medeý» men «Shymbulaq» elektr energııasynan ajyratylady
ALMATY. QazAqparat - Almatyda «Medeý» kesheni men «Shymbulaq» taý shańǵysy kýrorty elektr energııasynan ýaqytsha ajyratylady, dep habarlaıdy QazAqparat tilshisi.
Ýaqytsha qolaısyzdyqtar «Alataý Jaryq Kompanııasy» AQ-nyń júktemeni PS-220/110/10 kV №131A «Taýly qyrat» qosalqy stantsııasynan PS-220/110/10-10 kV №160A «Ermensaı» qosalqy stantsııasyna aýystyrýymen baılanysty týyndap otyr.
«Júktemeni aýystyrýǵa baılanysty shildeniń 2-8 aralyǵynda №158A «Medeý jańa» qosalqy stansasy men №159A «Shymbýlaq» qosalqy stansasyn jaryqtan óshire turý josparlanyp otyr», - dedi «Alataý Jaryq Kompanııasy» AQ.
Energetıkterdiń aıtýynsha, buǵan elektr energııasy júktemesin 4 110Kv kabeldik jelige ári 220kv kerneýdi 110 kv kerneýge aýystyrý jobasy yqpal etip otyr.
Munyń aldynda «Taýly qyrat» qosalqy stantsııasy ornalasqan aýmaqta laı kóshkini bolǵan jaǵdaıda, qosalqy stantsııanyń qıraý jáne tutynýshylardyń elektrden jappaı aǵytylý qaýpi týyndaýyna baılanysty iske asyrylýda dep jazǵan bolatynbyz.
Atalǵan rekonstrýktsııalyq jumystarǵa baılanysty «Shymbulaq» TShK basshylyǵy 2-7 maýsym aralyǵynda qalalyq jelilerden beriletin kerneýdiń toqtatylyp, aspaly joldyń ýaqytsha jabylatynyn habarlady.
Alaıda Shymbulaqtaǵy basqa nysandar shtattyq rejimde jumys jasaıdy.
«Bella Vista», «Kids Lab» meıramhanalary, «Shymbulaq» qonaq úıi men «Saraı-bar» ádettegideı rejimde jumys jasaıdy. Kýrortqa shatl-bas avtobýstarymen nemese «Medeý» aıdynynan eko taksımen kóterilýge bolady», - dedi Shymbulaq TShK baspasóz qyzmeti
