Medeý qonaqtary eki aı boıy konkımen syrǵanaýdy tegin úırene alady
ASTANA. QazAqparat - Qarashanyń 5-i kúni «Medeý» muz aıdynynda «Sporttyq Almaty» baǵdarlamasy aıasynda konkımen syrǵanaýdy tegin úıretý sabaqtary ótkiziledi, dep habarlaıdy Aqparattyq jáne sporttyq HAB.
20-ǵa jýyq tájirıbeli jattyqtyrýshy kez kelgen «Medeý» qonaǵyn saǵat 19:00-den 21:00-ge deıin aptanyń ár senbisi nemese jeksenbisinde tegin úıretetin bolady. Sonymen qatar, qonaqtarǵa jobany uıymdastyrýshylar kóptegen syılyqtar tabystap, kontserttik baǵdarlamalar ótkiziletinin habarlaıdy.
Aıta keter jaıt, bıletter men konkıdi jalǵa alý Medeýdegi preıskýrantka sáıkes beriledi. Bul konkımen syrǵanaýǵa aqysyz túrde úıretý sabaqtary jeltoqsannyń 24-ine deıin jalǵasyp, kelesi jyldyń qantarynda qaıta iske qosylady.
Sporttyq sharanyń basty maqsaty qaladaǵy buqaralyq sport túrlerin damytyp, qala turǵyndary men qonaqtaryn salaýatty ómir saltyn ústanýǵa shaqyrý bolyp tabylady. Aktsııa «Sporttyk Almaty» baǵdarlamasyna bıylǵy jyldyń 25-shi aqpanynda qosylǵan bolatyn.
«Sporttyq Almaty» baǵdarlamasy qaladaǵy buqaralyq sportty damytý maqsatynda júzege asyrylǵan.
