«Medeý» kesheninde qazan aıynda muz qatyryla bastaıdy
ALMATY. Qyrkúıektiń 24-i. QazAqparat /Erlik Erjanuly/ - 2011 jylǵy qysqy Azııa oıyndary qarsańynda jóndeý jumystaryna jabylǵan Almatydaǵy «Medeý» kesheninde muz qatyrý bıyl qalyptasqan dástúr boıynsha qazan aıynyń basynda bastalady,
dep habarlaıdy QazAqparat.
Onda 2011 jylǵy qańtardyń 30-y men aqpannyń 6-sy aralyǵynda 7-shi qysqy Azııa oıyndary baǵdarlamasy boıynsha dopty hokkeı saıystary ótedi. Qaıta jańartylǵan áıgili muz alańynyń kólemi - 10500 sharshy metr. Halyqaralyq jáne óńirlik iri sporttyq sharalardy ótkizýge arnalǵan sport kesheni konkımen júgirýden, dopty hokkeıden, shaıbaly hokkeıden daıyndyq jattyǵýlaryn ótkizýge beıimdelgen.
Teńiz deńgeıinen 1691 metr bıiktegi taý shatqalynda ornalasqan muz aıdyny Almatydan 15 shaqyrym jerde. 1972 jyly salynǵan bul keshende 1990 jyldarǵa deıin álemdegi 200-den asa sporttyq rekordtar jańartyldy.
