Medeý Arynbaev «Qazaqstan daýysy» jobasynan ketti
ASTANA. QazAqparat - «Qazaqstan daýysy» jobasynyń tálimgerleri aýysty. Úshinshi maýsymda Medeý Arynbaevtyń ornyna Rústem Nurjigit keldi.
Medeý Arynbaev osyǵan deıin eki maýsymda qatysýshylarǵa jetekshilik etken.
Aıta keteıik, jýyrda «Qazaqstan daýysynyń» jańa maýsymy efırge shyǵady. Mamyr aıynda elimizdiń iri qalalarynda arnaıy irikteý kezeńi ótti. Negizinen kórermendi de, qatysýshylardy da qyzyqtyrǵany - kórmeı tyńdaý kezeńi. Adamnyń bet-álpetine, kıim úlgisine, qımyl-áreketine de nazar salmaı, bar yntany tek daýysqa berý - eshbir jobada bolmaǵan qubylys. Qazir kastıngten ótken barsha qatysýshylar osy kórmeı tyńdaý kezeńinen ótýde, dep jazady baistars.kz.
Jobanyń alǵashqy maýsymynda kórermenniń qoldaýymen Nurlan Albannyń tobyndaǵy Shaharızat Seıdahmet, ekinshi maýsymynda Almas Kishkenbaevtyń shákirti Baýyrjan Retbaev jeńiske jetken edi. Endi birneshe ýaqyttan keıin tálimgerler men halyq birige otyryp jańa jeńimpazdy anyqtaýǵa kirisedi.
