Medet Edrisov Abaı oblysynyń Ádilet departamentin basqarady
ASTANA. KAZINFORM — Abaı oblysy Ádilet departamentine jańa basshy taǵaıyndaldy, dep habarlaıdy Ádilet mınıstrliginiń baspasóz qyzmeti.
— QR Ádilet mınıstrligi Apparat basshysy Sandýǵash Erseıitovanyń buıryǵyna sáıkes 2026 jyldyń 20 sáýirinen bastap Medet Orynbekuly Edrisov Abaı oblysy Ádilet departamenti basshysy laýazymyna taǵaıyndaldy. Buǵan deıin Medet Orynbekuly Jetisý oblysy Ádilet departamenti basshysynyń orynbasary qyzmetin atqaryp keldi, — delingen habarlamada.
Medet Edrisov 1985 jyly 14 qazanda Kókshetaý oblysy Kókshetaý aýdany Molodejnoe aýylynda dúnege keldi.
Bilimi joǵary. 2007 jyly «Femıda» Zań akademııasyn bitirdi.
Mansap
Eńbek jolyn 2007 jyly «Aqmola oblysynyń sottar ákimshiligi» MM № 1 Kókshetaý aýmaqtyq bóliminiń bas mamany retinde bastady.
2009-2021 j. aralyǵynda ádilet organy salasynda túrli qyzmetter atqardy.
2021-2025 j. aralyǵynda Aqmola oblysy ádilet departamenti basshysynyń orynbasary qyzmetin atqardy.
2025 jyldyń jeltoqsanynan Jetisý oblysy ádilet departamenti basshysynyń orynbasary laýazymyna boldy.
Budan buryn habarlanǵandaı, Abaı oblysynda jańadan qurylǵan eki basqarma basshysy taǵaıyndaldy.