Medbıkelerge sharıǵat shálisimen júrýge ruqsat berildi
ASTANA. 10 qarasha. QazAqparat - Sıngapýrdyń Jumysshylar partııasy saıasatkerlerdi memlekettik qyzmetkerlerge sharıǵat shálisin jamylyp júrýge salynǵan tyıymnyń kúshin joıýdy jáne sharıǵat shálisin adamnyń kásibı kıim úlgisimen ushstastyrýǵa shaqyrdy, dep habarlaıdy muslim.kz.
«Jumysshylar partııasy musylman jamaǵaty men bılik ókilderiniń dıalog arqyly syndarly kelisimge qol jetkizetinine senedi»,- dep málimdedi Sıngapýr parlamentiniń múshesi Muhammed Faısal Ábdimanap.
«Talqylaý ashyq ótýi tıis. Oǵan biryńǵaı kıim úlgisi qajet barlyq mamandyqtyń ókilderi qatysyp, óz uıymdary men mekemelerinde musylman áıelderdiń sharıǵat shálisimen júrýine jaǵdaı jasaýdyń múmkindikterin qarastyrýy kerek»,- dedi sózin tolyqtyryp.
Sıngapýrde jumys ornynda sharıǵat shálisimen júrýge tyıym salynǵan. Bul tyıym barlyq memlekettik qyzmetkerlerge, onyń ishinde medbıkelerge de qatysty. Jýyrda ótken forýmda sóz alǵan lektor medbıke musylmandardyń basyndaǵy jaǵdaı sóz qyldy.
Jumysshylar partııasynyń músheleri elde dinniń erkin nasıhattalǵanyn ári mýltımádenıettiń saltanat qurǵanyn qalaıdy. «Biz san alýan qundylyqtardy qadirleımiz. Bul Sıngapýrdyń ósip-órkendeýine úles qosady»,- dedi atalmysh partııanyń jastar qanatynyń jetekshisi Muhammed Faısal.
Musylmandar Sıngapýr halqynyń 15 paıyzyn quraıdy. Sońǵy jyldary bul elde sharıǵat shálisin jamylǵan áıelderdiń qatary artqan.
