Medaldan úmitker boksshylarymyz Azııa oıyndaryna qatyspaıtyn boldy
ASTANA. QazAqparat - 2018 jyly Indonezııada ótetin Azııa oıyndaryndaǵy salmaq dárejeleriniń qysqarýyna baılanysty eń myqty boksshylar úıde qalady, dep habarlaıdy SPORTINFORM SAA.
«Áıelder arasyndaǵy 75 kelige deıingi salmaq dárejesin 57 kelige aýystyryp tastaǵan. Erler boksynda 81, 91 jáne 91 keliden joǵary salmaq kategorııasy alynyp tastaldy»,-dep habarlaıdy QBF.
Osyǵan sáıkes, Qazaqstan úmit artyp otyrǵan medal alý áleýetteri joǵary boksshylar Darıǵa Shákimova, Ádilbek Nııazymbetov, Vasılıı Levıt jáne asa aýyr salmaqtaǵy Qamshybek Qońqabaev Azııa oıyndaryna qatyspaıtyn boldy.
«Biz AIBA-ǵa nelikten bul salmaq dárejelerin alyp tastaǵany týraly saýal joldadyq, ázirge eshqandaı jaýap joq. Sáýirdiń sońyna deıin jaýap kútemiz»,-deıdi QR memlekettik jattyqtyrýshysy Bolat Ábdirahmanov.
