«Mechel» AQSh-ta kómir óndirýdi toqtatty
ASTANA. QazAqparat - «Mechel» ken óndirý jáne metallýrgııalyq kompanııasy AQSh-tyń Batys Vırdjınııa shtatyndaǵy zaýytyn ýaqytsha toqtatty. Bul týraly kompanııanyń 29 sáýirdegi habarlamasynda aıtylǵan, dep habarlady RBK.
Kompanııa óziniń enshiles qurylymy - «Mechel Blýstoýn» jumysyn toqtatady. Oǵan sebep retinde «Mechel» qolaısyz naryq jaǵdaıyn atady. Kómirdiń spottyq baǵalary 2007 jyldan bergi eń tómengi kórsetkishke quldyrap ketti, delingen baspasóz baıanynda. Eger kómirge baǵa qaıtadan ósetin bolsa, kómir óndirý odan ári jalǵasatyn bolady.
Habarlamada «Mechel Blýstoýn» shahtalary men razrezderinde óndirý toqtatylatyny atap ótilgen, degenmen baıytý fabrıkalarynyń bóligi retinde jumysyn jalǵastyrmaq.
«Mechel» ken-metallýrgııa salasyndaǵy eń nesıeli kompanııa bolyp otyr. 2013 jylǵy jeltoqsanda onyń taza qaryzy 9,4 mlrd. dollardy qurady.
«Sońǵy birneshe aıda «Mechel» aktsııalarynyń baǵasy birneshe ret eleýli tómendedi. Atap aıtqanda, bul 2013 jylǵy qarashada, 2014 jylǵy aqpannyń sońynda jáne naýryzdyń basynda boldy. Kompanııa aktsııalary baǵalarynyń tómendeýi onyń eleýli qaryzdarymen baılanysty bolsa kerek.
