Metsenat «Jaýjúrek myń bala» fılminiń rejısserine 7 mln. teńge berdi
ASTANA. 11 tamyz. QazAqparat - Astanada ótken «Meniń elim - Qazaqstanym!» atty patrıottyq ánder kontserti barysynda «Altyn qyran» kompanııalar tobynyń dırektory, metsenat Islambek Saljanov «Jaýjúrek myń bala» fılminiń rejısseri Aqan Sataevqa 7 mln. teńge tabystady.
Al fılmniń bas rólderin oınaǵan Aıan Ótepbergen, Quralaı Anarbekova, Álııa Ánýarbek, Asylhan jáne Artýr Tólepovterge 1 mln. teńgeden berildi. «Men osy «Jaýjúrek myń bala» fılmin kórgennen keıin onyń rejısseri Aqan Sataevty taýyp, osyndaı patrıottyq týyndy úshin óz alǵysymdy aıtaıyn dep edim. Mine, búgin sonyń sáti tústi. Sizderge myń da bir alǵys. Az bolsa da, kópteı kórińiz. Shyǵarmashylyq tabys tileımin. Otanǵa degen mahabbat sezimin kúsheıtetin týyndylaryńyz kóbeıe bersin!»,- dedi metsenat I.Saljanov.
Óz kezeginde A.Sataev kásipkerdiń syı-syıapaty úshin zor alǵysyn bildirip: «Bul - meniń ǵana eńbegim emes. «Jaýjúrek myń bala» fılminiń túsirilimine 500-ge tarta adam qatysty. Olardyń árbireýi óz ýchaskesinde barynsha eńbek etip, fılmniń sapaly bolyp shyǵýyna bar kúsh-jigerlerin saldy. Memlekettiń de qoldaýy aıtarlyqtaı boldy. Bul fılmniń kórermenniń kóńilinen shyqqanyna, eldiń patrıottyq rýhyn kótergenine qýanyshtymyz», - dedi rejısser.
