McDonalds qyzmetkeri klıentteriniń shaıyna túkirgeni úshin 20 jylǵa sottalmaq
ASTANA. 20 sáýir. QazAqparat - Sımpsonvıll (Simpsonville, Ońtústik Karolına) qalasyndaǵy McDonald's qyzmetkeri klıentteriniń shaıyna túkirdi degen kúdikpen qamaýǵa alyndy, dep habarlaıdy BNews.kz saıty.
Associated Press málimetterine sáıkes, 19 jasar Marvın Vashıngton senbi kúni bolǵan oqıǵadan keıin qamaýǵa alyndy. Anasy men qyzy McDonald's-ke kelip, tátti shaıǵa tapsyrys bergen. Tapsyrysyn alǵannan keıin olar shaıdyń ádettegideı tátti emes ekenin ańǵaryp, qyzmetkerge qaıtyp beredi. Qaıta quıylǵan shaı da, olardyń pikirinshe, tátti bolmaı shyqty. Sondyqtan olar qant salyp ishý úshin sol shaıdy úılerine alyp ketedi. Úıde staqannyń qaqpaǵyn ashqan olar shaıdyń betinen úlken túkirik baryn ańǵarady.
Sondaı-aq shaı quımas buryn Vashıngtonnyń ydystarǵa eńkeıip, túkirip jatqany jazylyp qalǵan vıdeojazba da tabyldy. Oǵan azyq-túlikti qasaqana búldirdi degen aıyp taǵylyp otyr. Sol áreketi úshin jas jigit jıyrma jylǵa bas bostandyǵynan aıyrylýy múmkin. Sherıf keńsesiniń ókili Lora Kempbell (Laura Campbell) aıtyp ótkendeı, azyq-túlikti búldirý adam ómirine qaýip tóndirýi múmkin.
Jergilikti McDonald's fılıalynyń jetekshisi zertteý qorytyndysyn kútýdi usyndy. Onyń aıtýynsha, jeli meıramhanalary sapa men qaýipsizdiktiń eń joǵary talaptaryna saı qyzmet kórsetedi.
