McDonald’s-tyń Qazaqstannan ketýi eńbek naryǵyna áser etpeıdi - mınıstrlik

ASTANA. QazAqparat – Eńbek jáne halyqty áleýmettik qorǵaý mınıstrligi Eńbek resýrstary ortalyǵynyń prezıdenti Dáýlet Arǵandyqov McDonald’s Qazaqstannan ketse, eńbek naryǵyna qalaı áser etetini týraly pikir bildirdi, dep habarlaıdy QazAqparat tilshisi.

«Qazaqstandaǵy eńbek naryǵynyń syıymdylyǵy edáýir úlken jáne mamandardyń jumys aýystyrýy úzdiksiz júrip jatady. Bizde jylyna orta eseppen 2 mıllıonǵa jýyq adam jumys ornyn aýystyrady. ıAǵnı, búgingi tańda qyzmet kórsetý salasy mamandarynyń jumysqa ornalasý múmkindigi bar. Bul sala onsyz da mamandar kóp aýysady. Demek, eńbek naryǵyna («McDonald’s-tyń ketýinen - red) sonshalyq úlken qaýip joq. Qyzmetkerler jumyssyz qalǵannyń ózinde naryq olardy tabıǵı jolmen sińirip alady», - dedi ortalyq prezıdenti

Sondaı-aq ol aıaq astynan jumyssyz qalǵandarǵa elektrondy eńbek bırjasyna (enbek.kz.) júginýdi usyndy.

«Búgingi tańda bul bırjada 100 myńǵa deıin bos jumys orny bar. Resýrsta orta eseppen jylyna 800 myń bos jumys orny jáne 600 myń túıindeme jarııalanady. Bos jumys oryndaryn tek jumyspen qamtý ortalyqtary ǵana ornalastyrmaıdy. Habarlandyrýlardyń 70% jumys berýshilerdiń ózderi shyǵarady. Sonymen qatar azamattarǵa óz biliktiligin únemi arttyryp otyrý kerek der edim», - dedi Dáýlet Arǵandyqov.

Eske salsaq, McDonald's Qazaqstannan birjola ketti. Aýyl sharýashylyǵy mınıstrligi McDonald's-tyń Qazaqstan naryǵynan ketý sebepterin aıtty.