McDonald's Qazaqstannan ketedi - Bloomberg
Bloomberg-tiń habarlaýynsha, álemdegi eń iri fast-fýd jelisi Qazaqstan naryǵynan 6 jyldan keıin ketkeli jatyr.
McDonald's kompanııasy jergilikti franchaızıngige etti reseılik jetkizýshilerden satyp alýǵa tyıym salǵan.
Eske salsaq, byltyr qarashada McDonald's-tyń Qazaqstandaǵy meıramhanalary jumysyn ýaqytsha toqtatqan edi.
Habarlamada aıtylǵandaı, meıramhanalardy ýaqytsha jabýǵa sebep – et jetkizý boıynsha shekteýler.
Keıin QR Premer-Mınıstriniń orynbasary – Saýda jáne ıntegratsııa mınıstri Serik Jumanǵarın Qazaqstanda McDonald’s-tiń jabylýy týraly pikir bildirgen edi.
«Búkil aqparatty sizderge aıta almaımyn. Óıtkeni men alǵan aqparatty kompanııanyń bas keńesi áli maquldamaǵan. Biraq birshama kólemdegi taýar, 1000-ǵa jýyq atalym ımporttalyp kelgen. Keıbiri ózimizde shyǵarylatyn. Mysaly, toqashtardy «Baıserke-Agro» shyǵaryp keldi. Sondyqtan qazir qaıta qurylymdaý júrip jatyr. Biz kompanııa basshylyǵynan Saýda mınıstrligi tarapynan qandaı kómek kerek ekenin suradyq. Tehnıkalyq retteý komıtetine jumys jyldamdaýy úshin sertıfıkatsııa boıynsha qandaı kómek bere alatynymyzdy qaraýdy tapsyrdym. Bul baǵytta jumys júrip jatyr», - degen edi Serik Jumanǵarın.