McDonald's Qazaqstanda bes jylda 25 mıllıonnan astam adamǵa qyzmet kórsetti

McDonald’s® Qazaqstan naryǵynda 5 jyl jumys isteý nátıjesinde 25 113 492 kelýshige qyzmet kórsetip, 20 meıramhana ashyp, 3176 jumys ornyn qurdy. Brendtiń elimizdegi damý tarıhy 2016 jyldyń 8 naýryzynda Nur-Sultanda alǵashqy McDonald’s® meıramhanasynyń ashylýynan bastaý alady. Búgingi tańda McDonald's® jyldam qyzmet kórsetý kásiporyndary kelesi qalalarda jumys isteıdi: Nur-Sultan, Almaty, Qostanaı, Aqtóbe, Qaraǵandy. Olardy sońǵy óndiris jáne qyzmet kórsetý tehnologııalarymen jabdyqtalǵan álemdik McDonald's jelisi ishindegi brendtiń eń ınnovatsııalyq meıramhanalary deýge bolady. Bul óz aldyna McDonald's-tyń ereksheligi bolyp keletin sapa standarttaryn, qyzmet kórsetý mádenıetin, tazalyq pen qoljetimdilikti saqtaýǵa kepil bola alady.

Belgili brend myńdaǵan qazaqstandyq stýdentter úshin eńbek mektebine aınalyp úlgergen menedjment jáne personaldy basqarý salasyndaǵy álemdegi úzdik iskerı tájirıbelerdiń birin elimizge ákeldi. 5 jyldyq mereıtoıyna deıin kompanııa 3176 jumys ornyn qurdy, qazaqstandyq keńseni McDonald’s® júıesinde mansabyn qurǵan meıramhana qyzmetkerleriniń 40%-ynan turatyn top basqarady.

Kompanııa qazaq jastary úshin ózindik áleýmettik joǵarylaý satysyna aınalǵan jáne kadrlardy daıarlaýǵa qarajat quıyp keledi. Koronavırýs saldarynan bolǵan karantın kezeńinde barlyq meıramhanalardyń jabylýyna qaramastan, 100% jumys oryndary saqtalyp, jalaqy tolyq tólendi. Qazaqstandyqtar óz kezeginde brendtiń sapasyna senedi. 5 jyl ishinde olar 2 493 568 Bıg Mak, 10 232 702 portsııa frı kartoby, 3 582 007 lıtr Coca-Cola Classic jáne 1 695 171 Heppı Mıl oıynshyqtaryn satyp aldy. Aıta keterligi, balalarǵa kútim jasaý baǵdarlamasy júzege asyrylýda, oǵan sáıkes ár túrli qalalarda 6 oıyn alańy, 3 jattyǵý zonasy, al Aqtóbe qalasynda skeıtpark salyndy.

Aset Mashanov, McDonald’s® Qazaqstan bas dırektory:

«QR Ulttyq Paralımpıadalyq Komıtetiniń, «Meıirim» qosymsha kómeke kerek balalarynyń ońaltý ortalyǵynyń, «Qaırat» FK-nyń, sonymen qatar EXPO-2017, Halyqaralyq Ýnıversıada sııaqy ózge de eldik jobalardyń seriktesi atanǵan kompanııa qoǵamnyń turaqty damýyna súbeli úles qosyp jatqanyn atap ótý mańyzdy dep sanaımyn..

Biz ekologııaǵa jaýapkershilikpen qarap, qorshaǵan ortaǵa qamqorlyq jasaımyz. Energııany ońtaılandyrý baǵdarlamasy jyl saıyn 20 turǵyn úıdi qamtamasyz etýge jeterlik energııany únemdeýge múmkindik berdi. Sensorlyq sý aralastyrǵyshtar men sýsyz dárethanalardy paıdalaný arqyly biz jyl saıyn 200 000 tonna sýdy únemdeımiz. Qaptama materıalyn, qaǵaz ben taǵamdyq maıdy qaıta óńdeýge tapsyryp otyramyz.

Bizdiń aktsıoner Qaırat Boranbaevtyń qoldaýymen biz 25 qazaqstandyq jankúıerdi 2018 jyly fýtbol boıynsha FIFA Álem chempıonatyna barýyn uıymdastyrdyq, balaqaılardyń biriniń armanyn júzege asyrýǵa kómektesip, ol Horvatııa quramasymen birge Álem chempıonatynyń fınalynda alańǵa shyǵý múmkindigine ıe boldy. Biz 5 jyl boıǵy jumys barysynda osyndaı kóptegen shabyttandyratyn oqıǵalarǵa sebepker bola aldyq. Kompanııa Qazaqstan azamattarynyń erekshe sanattaryn qoldaý boıynsha ómirlik mańyzy bar jobalardy iske asyrýǵa jalpy somasy 52 mln teńge qarjy jumsady. Bizdiń komanda buny erekshe maqtan tutady»

McDonald's óz seriktesteri - ónim jetkizýshilerdiń damýyna da kómektesedi. 5 jyl ishinde biz býrgerlarymyzdyń 40% -50% úlesin jergilikti ıngredıentterden, al naýbaılyq ónimderde (fırmalyq toqashtar) ol kórsetkishti 95% deıin jetkize aldyq.

Ingredıentterdi óndirý úshin álemdik deńgeıdegi Food Town Almaty óndiristik-logıstıkalyq kesheni quryldy, onyń qurylysyna Qazaqstan, Belarýs jáne Reseıdegi franshıza ıesi Qaırat Boranbaev 7 mlrd teńge ınvestıtsııa quıdy.

Food Town Almaty Eýropalyq sapa ortalyǵynyń maquldaýy men sertıfıkatyna ıe boldy. Bir shatyrdyń astynda naýbaıhana, salattar, kókónister men jemisterdi qaıta óńdeý jáne oraý tsehy, sonymen qatar QR men RF aýmaǵynda balamasy joq «A» sanatyndaǵy taratý ortalyǵy ornalasqan. Qattaý jáne logıstıkany 100 eldegi McDonald's jetkizýshisi bolyp tabylatyn álemdik alpaýyt HAVI basqarady. McDonald's basshylyǵy geografııany keńeıtý jáne onyń ónimderin Qazaqstanda tolyq jergiliktendirý boıynsha bıik maqsattar qoıýda.

Materıal jarnama negizinde jarııalandy. «QazAqparat» AQ materıal úshin jaýapkershilik almaıdy.