Mbappe jańa maýsymnan bastap «Real» sapynda jańa nómirmen oınaıdy
ASTANA. KAZINFORM – Frantsııalyq shabýylshy Kılıan Mbappe kelesi maýsymnan bastap Ispanııanyń «Real» klýbynda 10-nómirmen óner kórsetedi. Bul týraly «Realdyń» resmı saıtynda habarlandy, dep jazady TASS agenttigi.
Ótken maýsymda, ıaǵnı «Realdaǵy» debıýttik jylynda Mbappe 9-shy nómirmen oınaǵan edi. 2017 jyldan beri 10-shy nómir jartylaı qorǵaýshy Lýka Modrıchke tıesili boldy. Ol ótken maýsymnan keıin madrıdtik komandadan ketti.
«Real» sapynda Modrıch 6 ret Chempıondar lıgasyn, 5 márte klýbtar arasyndaǵy álem chempıonatyn, 4 ret Ispanııa chempıonatyn, 2 ret el kýbogyn jáne 5 ret Sýperkýbokty jeńip alǵan. 2018 jyly jartylaı qorǵaýshy France Football jýrnalynyń nusqasy boıynsha jyldyń úzdik oıynshysyna beriletin «Altyn dop» júldesin ıelendi.
Ár jyldary «Real» sapynda 10-nómirmen óner kórsetken ataqty fýtbolshylar qatarynda:
– 1958 jylǵy «Altyn dop» ıegeri, frantsýz Raımon Kopa,
– 1952 jylǵy Olımpıada chempıony, 1954 jylǵy álem chempıonatynyń kúmis júldegeri Ferents Pýshkash,
– Ispanııanyń bes dúrkin chempıony, Chempıondar lıgasynyń úsh dúrkin jeńimpazy Fernando Ierro,
– 2002 jylǵy Chempıondar lıgasynyń jeńimpazy, portýgalııalyq Lýısh Fıgý bar.
26 jastaǵy Mbappe 2024 jyldyń jazynda «Realǵa» aýysqan bolatyn. Komanda sapynda 59 match ótkizip, 44 gol soǵyp, 5 nátıjeli pas bergen. 2024/25 maýsymynyń qorytyndysy boıynsha ol Eýropa fýtbol qaýymdastyqtary odaǵyna (ÝEFA) múshe elder chempıonattarynyń úzdik surmergenine beriletin «Altyn býtsa» ıegeri atandy.
Buǵan deıin Mbappe Frantsııanyń «Parı Sen-Jermen» klýbynda oınaǵan. Onda ol 5 ret Frantsııa chempıony, 3 márte el kýbogy men sýperkýbok ıegeri, 2 ret Lıga kýbogynyń jeńimpazy atandy. Sondaı-aq «Monako» klýbynyń sapynda Frantsııa chempıonatyn jeńip alǵan.
Frantsııa ulttyq quramasy sapynda (onda da 10-nómirmen oınaıdy) Mbappe 2018 jyly Reseıde ótken álem chempıonatynyń jeńimpazy jáne 2022 jylǵy Katarda ótken álem birinshiliginiń kúmis júldegeri atandy. Sol týrnırde ol 8 gol soǵyp, úzdik surmergen atanǵan. 2021 jyly Frantsııa quramasymen birge Ulttar lıgasyn jeńip aldy.
Aıta keteıik, buǵan deıin almatylyq «Qaırat» fýtbol komandasy UEFA Chempıondar lıgasy ekinshi irikteý kezeńinde Fınlıandııanyń KýPS komandasyn jeńip, jarystyń úshinshi kezeńine joldama alǵanyn jazdyq.