Mbappe álem chempıonatynan keıin eń qymbat oıynshy atandy

ASTANA. QazAqparat – Frantsııa quramasy men «PSJ» klýbynyń shabýylshysy Kılıan Mbappe Qatarda ótken álem chempıonatynan keıin eń qymbat oıynshy atandy, dep habarlaıdy QazAqparat tilshisi.

Championat.com saıtynan málim etkenindeı, Transfermarkt ınternet portaly birinshilik qorytyndysy boıynsha fýtbolshylardyń transferlik qunyn jańartqan.

K.Mbappeniń baǵasy 20 mln-ǵa ósip, 160 mln-nan 180 mln eýroǵa jetken. Ol bul kórsetkish jóninen «Manchester Sıtı» men Norvegııa quramasynyń shabýylshysy Erlıng Holandtan asyp tústi.

Sondaı-aq Argentına men «Benfıka» klýbynyń jartylaı qorǵaýshysy Entso Fernandestiń quny 35 mln-nan 55 mln eýroǵa deıin ósti. Argentına men «Manchester Sıtı» shabýylshysy Hýlıan Alvarestiń transferi 18 mln qosyp, 50 mln eýroǵa baǵalanyp otyr.

Ioshko Gvardıol (€ 75 mln, Horvatııa, «RB Leıptsıg»), Kodı Gakpo (€ 60 mln, Nıderland, PSV) jáne Sofıan Amrabattyń (€ 25 mln, Marokko, «Fıorentına») árqaısysynyń quny 15 mln eýrodan ósti. Gvardıol álemdegi eń qymbat qorǵaýshy atandy.

Anglııa fýtbolshylary Djýd Bellıngem (€ 110 mln, «Borýssııa» Dortmýnd) men Býkaıo Sakanyń (€ 100 mln, «Arsenal») baǵasy 10 mln eýroǵa artty.

Eske sala keteıik, budan buryn fýtboldan álem chempıonatyna qatysqan quramalardyń qansha syıaqy alatyny belgili bolǵanyn jazǵan edik.

Sondaı-aq Marokko quramasynyń oıynshylary 25 mln eýro syıaqyny qaıyrymdylyq maqsatyna jumsamaqshy.

Lıonel Messı Frantsııanyń «PSJ» klýbynda qalatyn boldy.

Brazılııalyq Rısharlısonnyń Serbııa qaqpasyna soqqan goly úzdik dep tanyldy.

Foto - Championat.com