Mbappe álem chempıonattaryndaǵy match sany boıynsha Maradonany basyp ozdy
ASTANA. KAZINFORM — Frantsııa quramasynyń shabýylshysy Kılıan Mbappe álem chempıonattarynda ótkizgen match sany boıynsha argentınalyq ańyz Dıego Maradonany basyp ozdy.
Report agenttiginiń málimetinshe, 27 jastaǵy frantsýz 2026 jylǵy álem chempıonatynyń qola júlde úshin Anglııaǵa qarsy matchyna negizgi quramda shyǵyp, mýndıaldardaǵy 22-oıynyn ótkizdi. Osylaısha ol álem chempıonattary tarıhynda eń kóp match ótkizgen fýtbolshylar tiziminde 8-orynǵa kóterildi.
Mbappeniń aldynda Lıonel Messı (33 match), Krıshtıaný Ronaldý (27), Lotar Matteýs (25), Mıroslav Kloze (24), sondaı-aq Paolo Maldını, Lýka Modrıch jáne Manýel Noıer (árqaısysy 23 matchtan) tur.
Kılıan Mbappe 2024 jyldan beri madrıdtik «Real» klýbynyń namysyn qorǵap keledi. Frantsııa quramasy sapynda ol 2018 jyly álem chempıony atanyp, 2022 jylǵy álem chempıonatynyń kúmis júldegeri boldy.
2026 jylǵy fýtboldan álem chempıonaty AQSh, Kanada jáne Meksıkada ótip jatyr. Týrnırdiń fınalynda 19 shildede Ispanııa men Argentına quramalary kezdesedi.
Aıta keteıik, fýtboldan 2026 jylǵy álem chempıonatynda Frantsııaǵa qarsy oınaǵan Anglııa quramasy qola júldeger atandy.
