Mazýtqa súńgigen Reseı turǵyny ınternettiń juldyzyna aınaldy
ASTANA. QazAqparat - Internette Reseı turǵyny bolýy múmkin azamattyń mazýt toly basseıinge sekirý kezinde túsirilgen beınekórinis ýaqyt ótken saıyn keńinen tanymal bola túsýde.
Oqıǵanyń qaıda bolǵany belgisiz. Alaıda jazbada buny «orystar oılap tapqandyǵy» jazylǵan dep habarlady Rıa Novostı.
Beınekóriniste jas jigittiń basyna paket kıip alyp, mazýt toly basseınge sekirgendigi anyq qórinip tur.
Basseınnen shyqqan soń ol óziniń eshteńeni kórmeı turǵandyǵyn jáne tynysy tarylyp bara jatqandyǵyn aıtady. Alaıda jigittiń bul qylyǵy dostaryna kúlkili bolyp kórinedi. Olar joldastaryn mazýttan tazartpaq bolyp, sý shasha bastaıdy. Alaıda odan eshqandaı nátıje shyqpady.
Beınekórinistiń sońynda jas jigit basynan aıaǵyna deıin mazýtqa oranǵan kúıi júrdi jáne ol eshteńe kórmeıdi. Onyń kórý qabileti qalpyna keldi ma, kelmedi ma ol jaǵy de belgisiz, dep habarlaıdy agenttik.
